واحد من الناس

حركة تنقلات

March 30, 2007

عندى خبرين ..
الاول. انى معزل من شغلى القديم والحمد لله اتقبلت فى الشغل اللى كنت اتكلمت عليه قبل كدة.. بعد 3 انترفيوهات الحمد لله.. شغل افضل واحسن وحاجة بحبها اكتر وممكن اتميز فيها مش بس ابقى مجرد ترس فى ماكنة مابحبهاش.. مرتب افضل .. يعنى الحمد لله ..هابدأ معاهم من اول شهر 5 او من نص 4 . خايف من مسؤليات الشغل دة لانها كبيرة .. مش عارف ليه دايما اخاف من الخطوة الجاية .. دايما مش واثق فى نفسى .. خايف اتكلم مع الناس لحسن مايقبلونيش .. خايف خايف اقول انا بحب لحسن اترفض .. خايف وخلاص .

الخبر التانى .. انى هاعزل من المدونة دى وانقل على بلوجسبوت .. يعنى حتى ابقى قريب من الشغل الجديد :) ..
كنت متردد اوى فى القرار دة لانى متعلق بمدونتى اوى ..اقنعتها وقولتلها انى مش هاسيبك هنا ..لا انا هاخدك ونروح حتة تانية ..يعنى مجرد هانعزل لسرفر تانى ..انتى عارفة انى مقدرش حتى افكر انى اسيبك ..مانتى عارفة ماليش غيرك ..بجد .

Posted in حاجات تخصنى |

11 Comments »

The URI to TrackBack this entry is: http://1ofthepeople.blogsome.com/2007/03/30/p32/trackback/

1. اوعى تعمل العملة السودا دى
   و تروح البلوجسبوت
   ربنا يكفيك شر بيتا و شر الى بدعوا البيتا
   و مبروك على الشغل الجديد

   Comment by عباس العبد — March 31, 2007 @ 12:14 am

2. ليه بس كدة يا استاذ عباس.. على العموم هاجرب ولو مارتحتش هارجع تانى للبلوجسم
   والله يباارك فيك يا سيدى…. شرفتنا

   Comment by واحد من الناس — March 31, 2007 @ 10:18 am

3. ربنا يوفقك يا طارق ويريت نتعرف اكتر

   Comment by اثناء الحياه — March 31, 2007 @ 10:32 pm

4. ألف مبروك بالشغل الجديد و ربنا يوفقك فيه، أنا سعيد إنك رحت مكان بتحبه و خلصت من مكان مكنتش لاقى نفسك فيه
   و تأكد طالما أنت حابب المكان الجديد هتقدر تثبت نفسك فيه
   الخوف شعور طبيعى لما تكون هتعمل حاجة جديدة و من غير الخوف الاولانى ده يبقى مش هتعمل حاجة
   ابقى قولنا على عنوان المدونة الجديدة لما تنقل

   Comment by أبو ضحى — April 1, 2007 @ 1:22 pm

5. اثناء الحياة…
   ربنا يكرمك على الدعوة دى … والشرف لى اننا نتعرف

   ابو ضحى …
   ازيك يا جميل عامل ايه؟.
   وااله يبارك فيك يا باشا
   العنوان انا كاتبه بس انت ماختش بالك. على العموم اهو
   http://1ofthepeople.blogspot.com/
   هو نفس العنوان القديم بس على بلوجسبوت

   Comment by واحد من الناس — April 2, 2007 @ 10:32 am

6. طارق الف مبروك على الشغل الجديد وبالتوفيق واوعى تخاف من اى حاجة انت انسان حلو..انفتح على الناس خد ايدك بايدهم مد ايدك علشان تعرف مين حميدها ليك طول ما انت مربع ايدك ومنعزل عن الناس هما للى حيخافوا يدوا ايدهم اما حكاية انك حاتنقل مش عارف حاتروح فين دى يعنى مش عارف اعتر فيك ولا ايه؟

   Comment by hosny soliman — April 3, 2007 @ 1:01 pm

7. استاذى الحبيب
   الله يبارك فيك ومتشكر اوى على كلامك الحلو اوى دة
   عنوانى الجديد اهو
   http://1ofthepeople.blogspot.com/

   Comment by واحد من الناس — April 3, 2007 @ 4:22 pm

8. مبروك يا طارق بالتوفيق ان شاء الله

   Comment by الارموطى — April 30, 2007 @ 10:00 am

9. سلام
   انا قلت تبریک علی الشغل الجدید
   انا ایرانیه و لا اتکلم العربیه احسن ولیکن احبه الغته العربیه
   احبک
   فی امان الله

   Comment by فاطمه — November 25, 2007 @ 10:19 pm

10. اسلام
    انا قلت تبریک علی الشغل الجدید
    انا ایرانیه ولا اتکلم باللغته العربیه احسن
    ولیکن احب
    فی امان الله

    Comment by فاطمه — November 25, 2007 @ 10:26 pm

11. http://www.TO0MAN.BLOGFA.COM

    Comment by فاطمه — November 25, 2007 @ 10:30 pm

RSS feed for comments on this post.

Leave a comment

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>