ادركت
March 23, 2007
ادركت ان احساسى الحالى بعدم الامان سيصبح غدا اجبارى بامر الدستور ..
ادركت ان استعباد النظام وكلاب النظام لنا سيصبح غدا حق مشروع دستورى ..
ادركت ان كلام امل دنقل "كيف تنظر فى عين امراة انت تعرف انك لا تستطبع حمايتها" سيصبح غدا قانون ملزم بامر الدستور..
ادركت كيف سنصبح غدا من عداد اللاجئين بعد ان يسحبوا منا الهوية والوطنية بقوة الدستور..
ادركت معنى اغتصاب الأم امام الأبناء تحت حراسة الدستور..
ادركت حجم الكارثة وادركت حجم الجهل بها ..
ادركت ان السرايا و كلاب السرايا كانت صادفة عندما وصفت زماننا بانه ازهى عصور الحرية والديموقراطية ..لاننا غدا سنشتاق الى تلك الايام ..
ادركت تفاهة مشاكلى الشخصية والنفسية امام تلك الفاجعة .
ادركت عجزى..
.
.
.
ادركت انى لم اكف عن البكاء منذ ان ادركت
ادركت ان استعباد النظام وكلاب النظام لنا سيصبح غدا حق مشروع دستورى ..
ادركت ان كلام امل دنقل "كيف تنظر فى عين امراة انت تعرف انك لا تستطبع حمايتها" سيصبح غدا قانون ملزم بامر الدستور..
ادركت كيف سنصبح غدا من عداد اللاجئين بعد ان يسحبوا منا الهوية والوطنية بقوة الدستور..
ادركت معنى اغتصاب الأم امام الأبناء تحت حراسة الدستور..
ادركت حجم الكارثة وادركت حجم الجهل بها ..
ادركت ان السرايا و كلاب السرايا كانت صادفة عندما وصفت زماننا بانه ازهى عصور الحرية والديموقراطية ..لاننا غدا سنشتاق الى تلك الايام ..
ادركت تفاهة مشاكلى الشخصية والنفسية امام تلك الفاجعة .
ادركت عجزى..
.
.
.
ادركت انى لم اكف عن البكاء منذ ان ادركت
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
بوست رائع اوى
الدستور ده بيتعدل علشان خاطر ناس معينة الريس وابنه والتوريث بيظبطوا نفسهم بس
فى حاجة تانية باه فى الدستور
ان مجلس الشعب يحق ليه انه يحاسب الحكومة وكمان بسحب منها الثقة شوفت انتوا ظالمين الحكومة ازاى
متفرحش اوى كده ايه السعادة اللى انا شوفتها على وشك اما قريت الكلام ده
لان فى هذه الحالة يحق للريس انه يحل مجلس الشعب
طب انهى دكر فى مجلس الشعب يقدر يطلب انه يحاسب الحومة ويسحب منها الثقة
يا ابنى دول عامل بتهرج
Comment by مصر هى امى — March 23, 2007 @ 3:57 pm
حجكومة ايه اللى حد هاايحسبها؟.. الحكومة اصلا كلها بالتعيين المباشر يعنى مش منتخبة اصلا .
يعنى مادة ملهاش اى معنى اصلا.. مادة عبثية مهلبية .
محمد …الكارثة كبييييييييييييرة اوى ..تصور ان كل اللى كان بيعمله النظام وكلابه كان ضد الدستور ورغم كدة كانو بيعملوه ..فتخيل بقى لما يبقى اللى بيعملوه هو عين وروح وقلب الدستور .. يا نهار اسود يا جدعان على السواد اللى هاتشوفه البلد دى واحنا معاها.
اووه ..دخلت فى كريزة العياط تانى ..
.
.
اسمع معايا الاغنية دى
ورجعنا تانى نعانى نفس الاسية
هيها مافرقتش فى اى حلجة
وكأنى بهرب من وسية لوسيبة
بس الخواجة هنا ماهواش خواجة
نفس الوسية فى كل حتة ورانا
مطرح مانهرب نلفى نفس العتامة
ممرمرانا فى رجليها مجرجرانا
وكأن دة الكتوب ليوم القيامة
Comment by واحد من الناس — March 23, 2007 @ 5:21 pm
اول حاجه بوست رائع تاني حاجه حاسس اللي انت حسه بالظبط وهذا احساس اي مصري حقيقي
تحياتي لك
Comment by ابن ناصر — March 23, 2007 @ 11:29 pm
آدى الله وآدى حكمته
وما باليد حيلة .. التعديلات حتتم هتتم .. ولو صرخت باعلى صوت ما حدش هيسمعك
وعجبى على البلد دى بجد
Comment by ياسمين — March 26, 2007 @ 10:00 am
وأنا كمان من ساعة ما فهمت
شفت نفسي وأنا عاجز
لدرجة إنه جالي إحساس بالذنب
إني واقف بتفرج ومفيش حاجة بإيدي
تحياتي
Comment by The Alien — March 26, 2007 @ 3:28 pm
ابن ناصر..
شكرا يا باشا ..
ياسمين..
ماهو دة اللى هايجننى..ان مابليد حيلة
بشوى..
عجبى على زمن بقى الفهم نقمة
ربنا يستر على الايما الجاية دى
Comment by واحد من الناس — March 26, 2007 @ 8:37 pm
ازيك يا طارق؟ مش طارق صح برضو
انا واحدة من الناس زيك
وواحدة من الناس اللي حاسه بمدى الكارثة
وحاسه بالعجز التام
والسخافات اللى بتمطرنا بيها الحكومة
انا اول مرة احس ان فعلا مافيش فايدة بجد
بس انا برضو بحاول اكون متفائلة
لان مقدامناش حاجة غير الأمل
بوست جميل يا واحد من الناس
Comment by Anonymous — March 29, 2007 @ 8:06 pm
الحمد لله .. ازيك انتى
عارفة …هى دى الكارثة ..ان واحد من الناس وواحدة من الناس ومعاهم شوية قليلين اوى من الناس هما بس اللى حاسين بالكارثة …طب فين باقى الناس؟
نورتنى ..متقطعيش الزيارة
Comment by واحد من الناس — March 29, 2007 @ 11:03 pm