اليكى
March 17, 2007
كنت محتاج اسمع صوتك اوى
كنت محتاج قلبك جنبى اوى
كنت محتاج احس انى سوي
************************
حبيبتى ..
نعم
انتى ساعات بتعملى حاجات غلط؟
اكيد ..مين مابيغلطش
طب انا محتاج امسك ايد… (قبل ما اكمل كانت رامية نفسها فى حضنى)
**************************
الو
ايوة مين ..؟
ايه دة انتى مسحتى رقمى؟
اه.. سلام
مع السلامة
حسيت ان اسمى اتحذف من الوجود ..
انى بقيت مش موجود
*************************
الوحدة: هو ذلك الشعور الذى يجعل صاحبه على يقين تام بوجود حياة على الكواكب الاخرى وبأنه ينتمى لاحدها ولا يمت بصلة بحياته الحالية.
الوحدة تانى يا طارق
صدقنى انا زيك مع انى من ساعتك اما عرفتك وعرفت مدونيين تانيين بقيت مشغول جدا لكن اه من الوحدة فعلا اما بروح البيت بالليل واقعد لوحدى فى سريرى مش حاضن غير مخدتى عمال اشكيلها همى ساعتها فعلا بحس بالوحدة
الله لا يسيئك يا طارق متقلبش عليا المواجع كفاية اللى انا فيه
Comment by مصر هى امى — March 17, 2007 @ 7:15 am
معلش يا محمد .. يعز على والله انك تتالم لحظة واحد بسببى
عارف .. الوحدة مش بعدد الناس اللى حواليك .. الوحدة بتحسسك بالغربة جواك..دايما حاسس انك غريب مش من هنا .. مش لاقيلك وطن.. فا بتفضل تايه لحد ما تلاقى الوطن دة
الناس الكتير ممكن تخلى يومك يعدى ..لكن مش هتبقى انت اللى عشت اليوم دة ..
عارف يا محمد .. الوطن دة ممكن يبقى عيون بتحبها .. وممكن يبقى حضن متهاجرش منه ابد
نفسى الاقى وطن يا محمد نفسى
Comment by واحد من الناس — March 17, 2007 @ 12:46 pm
لا تفكر انك انت و رايح
راح اركض اقولك وينك رايح
اذا انت بتبعد عني باضيع
لا تفكر لحظه أنت و ماشي
بتصير الضي و قلبي فراشة
و الدنيا بتخلص بعدك بيبطل يططلع هالربيع
قادر يا حبيبي تنساني
جربني أنا ياللي زماني
قساني كتير و خلاني
اصبر علي همي و أحزاني
——————–
———————
اللي يبيعني أبيعه بس لازم أكسب فيه
Comment by Hany George — March 17, 2007 @ 11:27 pm
الوحده ؟
الوحده دى لعبتى
حاجه بقت زى الوظيفه كده أو الواجب القومى التقصت بنا والتصقنا بها وصرنا توأم بقلبين ورأس واحد
Comment by توهة — March 18, 2007 @ 2:04 am
الوحدة هي الحاجة اللي لازم كلنا نعاني منها
عشان إحنا أغراب ف بلدنا
أغراب بأفكارنا وهواياتنا
بس أرجع وأقول إنه مع شوية مجهود
ممكن تلاقي بشر يساعدوك
تحياتي
Comment by The Alien — March 18, 2007 @ 10:37 am
هانى..
انا نفسى اشترى مابيعش
توهة..
اتصاحبت مع القاتل؟
بشوى..
لحد امتى .. كل يوم الوضع يزداد يسوء
Comment by واحد من الناس — March 19, 2007 @ 11:00 am
بصر احه البوست ر ائع وار وع جزئيه فيه هو تعريف العزله او الو حده ر ائع اوى
سلا م
Comment by الجحيم — March 20, 2007 @ 5:42 pm
طارق
مش هقدر اقولك غير اننا كلنا هذا الرجل
احينا في فترة الليل يشتد حنيني
وافتكر احساس انا بتجنبه
طبعا انت عارف الاحساس بان حضنك فاضي
بس زي ما يكون الوحدة بقت لينا احنا
خايفين نقرب
خايفين ننجرح
خايفين لمجرد الخوف
Comment by سمراء النيل — March 21, 2007 @ 8:38 pm
الله اكبر الله اكبر يسقط محمد حسني مبارك يسقط محمد حسني مبارك تسقط الحكومة عن بكرة ايها تسقط حكومة الملاعين
Comment by shehab — March 22, 2007 @ 2:36 am
الجحيم..
شكرا يا باشا.. وربنا مايخليك من اللى بيحسه الاحساس دة
سمراء..
طبعا عارف احساس الحضن الفاضى . هو انا عارف غيره
shehab
مش يسقط بس … دة لازم يقع على جدور رقبته ودماغه تتقسم نصين والنخاع الشوكى يتقطع عشان يحس اكل الالام الممكنة والغير ممكنة ..يحس بالم المرض بعد ما سمم الناس . وبالم الحسرة من عدم وجود علاج زى ما غلى الدوا على الناس ..حاجات كتير اوى لازم يحسها الراجل دة قبل ما يموت مش كفاية انه يسقط يسقط بس .
Comment by واحد من الناس — March 22, 2007 @ 8:06 pm
الظاهر ان فى كتير قوى مننا لما بيروحوا البيت بيقعدوا لوحدهم
الوحدة ساعات بتبقى قدر
الله يكون فى عوننا كلنا
Comment by ياسمين — March 26, 2007 @ 10:25 am
مش شرط والله يا ياسمن ..الوحدة اللى من جوا بتفضل ملازمة الواحد حتى لو حواليه الف واحد
Comment by واحد من الناس — March 27, 2007 @ 11:00 pm
تعرف يا طارق أنا زمان كنت بحب دايما أقعد لوحدى وقت طويل، أفكر أقرأ أحلم ، و كنت بتلزز بالوحدة زى الشيكولاتة..مكنتش منطوى لكن كنت بقدر الوقت اللى بقضيه مع نفسى و بحترمه كتير، لكن حاليا بتمنى ألاقى حد بيستنانى حد يهمه وجودى حد لو يوم غبت و اختفيت هيلاحظ إنى مش موجود ،حد أحس بقلبه جنبى و خايف عليا
الوحدة..موت
الوحدة: هو ذلك الشعور الذى يجعل صاحبه على يقين تام بوجود حياة على الكواكب الاخرى وبأنه ينتمى لاحدها ولا يمت بصلة بحياته الحالية.
فعلا كلامك صحيح
Comment by أبو ضحى — March 28, 2007 @ 1:21 am
ابو ضحى ..
كلامك حلو اوى ..
عندك حق .. حد يستناك ويهتم بيك يحسسك انك موجود اصلا فى الدنيا .
Comment by واحد من الناس — March 29, 2007 @ 1:35 pm
أصعب من الوحدة في ذاتها الوحدة وسط الناس و أقسى من الوحدة بين الناس الوحدة بعد ألفة و وجود لحد يبدد ده
و الأوجع عذاب ما بعد الوداع
أتعبتني يا فتى
جميلة جدا
Comment by مادو — March 29, 2007 @ 7:42 pm
مادو..
جميل اوى تصنيف الوحدة ودرجاتها اللى انت كاتبه دة
واضح ان الكل تعبان ومجروح ووحيد
Comment by واحد من الناس — March 29, 2007 @ 10:47 pm
الوحدة يا طارق مش انك تبعد عن ناس بتحبهم الشعور الامر انك تكون وسط ناس انت بتحبهم وحط تحت بتحبهم مليون خط وتحس بالوحدة … متهيالى انت عرفت ليه … لان الحب مش طرف واحد الحب طرفين بيونسوا بعض بحبهم
Comment by رباب — November 25, 2007 @ 7:40 pm
معلش يا محمد صدقنى الوحدة دى احساس صعب انا جربته وبجربه وعايش فيه بس اهو بحاول افضفض على النت على اساس احاول اخفف عن نفسى على الاقل معلش وربنا يهون عليك
Comment by بلاش — July 3, 2008 @ 9:20 am