واحد من الناس

محمد خلف… واحشتينى يا مصر

February 25, 2007

 

 فرحان اوى …مش عارف ينفع افرح فى حاجة زى كدة ولا لا .؟
مكنتش متخيل ان لسة فيكى يا مصر الناس دى..
ساعات كتير كنت بتمنى ادخل الجيش بس على امل ان الموقف دة يحصلى وارفض انى اقف حرس ليهم ..ارفض انى احميهم.
محمد خلف .. انت ارجل واحد فى البلد دى
محمد خلف .. انت قولت لا
محمد خلف .. صورتك منورة
محمد خلف .. سامحنا لو مقدرناش نعملك حاجة .. مشكلتك انك راجل فى زمن وفبلد الرجولة فيها تهمة الكل بينكرها
محمد .. انت فارس هذا الزمان الوحيد وسواك المسوخ

عاوز اقولك حاجة كمان .. انت خلتنى اصرخ بعلو صوتى زى المجنون والدموع مرغرغة فى عينى

واحشتينى يا مصر

طب هانعمل ايه..؟
انا عن نفسى هاعمل الاتى:
هاطبع الخبر ووزعه على كل اللىمعايا فى الشغل بكرة
صورته هاتشرفنى فى المدونة
هابعت لجرايد زى الدستور تعمل لمحمد بوستر وتوزعه مع العدد الجاى .. زى بوستر حسن نصر الله

بس انا خلصت

تحديث ...هلوسة مصرية لفتت نظرى ان دى مش صورة الامين او العريف محمد خلف .. وان دى صور من ارشيف موقع فى البلد عن موضوع كان بيتكلم عن الامن المركزى.
تحديث 2… الصورة الاولى نشرتها جبهة التهييث الشعبية نقلاً عن جرنان الوفد ,والصورة التانية نشرها موقع المصريون

مش عارف.. يمكن الصورتين هما لشخص واحد ..مش مهم شكله المهم هو اللى قالته شهروزة عند نوارة
===============================================
تحديث 3…

يدرس مركز هشام مبارك
تقديم مساعدات إنسانية لأسرة أمين الشرطة
محمد خلف أمين الشرطة المحبوس بسبب رفضه لحراسة سفارة الكيان الصهيوني
للاستعلام والمشاركة وإبداء المقترحات رجاء
الاتصال بمركز هشام مبارك لحقوق الإنسان
1 شارع التوفيقية
القاهرة
هاتف/فاكس:

(202) 5758908

أو المراسلة على البريد الإلكتروني للمركز
hmlc@link.net

 

====================================
تحديث 2..
خر الاخبار نقلا عن المصريون..
قرر وزير الداخلية اللواء حبيب العادلي أمس نقل أمين الشرطة محمد خلف حسن إبراهيم بعد صدور حكم بحبسه ستة أشهر لرفضه تنفيذ تكليف بالعمل ضم طاقم حراسة السفارة الإسرائيلية بالجيزة. وأودع الأمين المضرب عن الطعام منذ نحو 15 يومًا الحبس الانفرادي بسجن "القطا" بعد مصادرة الهاتف المحمول وحرمانه من الزيارة، حتى لا يدلي بأية معلومات للصحف والإعلام طول إقامته بالسجن لحين تنفيذه العقوبة المقررة بحقه، على أن يعود بعدها لعمله في تأمين مقر السفارة الإسرائيلية.
جاء قرار نقل الأمين إلى السجن بعد يوم من نقله إلى مستشفى قوات الأمن التابعة لوزارة الداخلية، بعد أن فشلت محاولات الأطباء في تغذيته صناعيًا، وذلك وسط حراسة أمنية مشددة من قوة مباحث قسم شرطة الجيزة.
يأتي ذلك فيما اتهمت وزارة الداخلية، أحد أعضاء مجلس الشعب عن إحدى دوائر الإسكندرية التابع لها محل إقامة أمين الشرطة- تحتفظ "المصريون" باسمه- بالاتصال بمنظمات حقوق الإنسان وتسريب أخبار المحاكمة.

يعنى راجل بين الحياة والموت ومستمر فى اضرابه عن الاكل وبرضو خدوه من المستشفى عشان ينفذ العقوبة .. لا وايه بعد ما يخلصها يروح عشان ينفذ قرار النقل ويحرس السفارة.. دة عشان يبقى عبرة ومحدش يفكر يعملنا فيها بطل تانى .. يعنى هاتتحبس وبرضو هاتنفذ.. الحكومة خاف لحسن كل واحد يعمل اللى هو عاوز يعمله اللى هو حاسس انه هو دة الصح .. وساعتها يمكن تكبر فى دماغ الشعب ويعمل الحاجة الوحيد اللى نفسه يعملها.. انه يحس انه كيان موجود . ودة اللى لاااااااا يمكن تسمح بيه الحكومة

Posted in حاجات تخصنا |

7 Comments »

The URI to TrackBack this entry is: http://1ofthepeople.blogsome.com/2007/02/25/p26/trackback/

1. طارق
   محمد خلف دا هوا الراجل الوحيد اللى فى مصر
   ربنا يكون فى عون الشعب المصرى

   Comment by مصر هى امى — February 26, 2007 @ 7:12 am

2. ياريت بقا الباقى يتعلم منه واكيد الظباط ما بنهم وبين نفسهم بيستعجبة على العملة الراجل دا

   Comment by باحث عن الحرية — February 26, 2007 @ 8:35 am

3. امتى بقى يجى الفرج.. لحسن خلاااااص

   Comment by واحد من الناس — February 28, 2007 @ 6:52 pm

4. أمين الشرطة الأمين
   محمد خلف حسن ابراهيم

   عمّ محمّد
   شرطي أمين
   واقف حارس .. حارس مين؟
   مصر الحرة
   مصر الثورة
   مصر الناس المحترمين
   لما الضابط أمره يرابط
   علشان يحمي سفارة .. مين؟
   قالّلو سفارة اسرائيل
   عند الجيزة
   جنب النيل
   عم محمد رفض الأمر
   أصله حالف ألف يمين
   إنه حارس حارس مين؟
   مصر الحرة
   مصر الثورة
   مصر الناس المحترمين
   قام الضابط شاخط شايط
   حبس محمد
   ولما الناس بتشكي احوالها
   تروح الشرطة
   وعم محمد شرطي أمين
   طيب يشكي يشكي لمِين؟
   ربك شايف
   وهو العارف
   وعم محمد ما هو خايف
   صبّح صايم
   صام وصلى مع المساجين
   قوموا زيـه
   وصوموا زيـه مع الصايمين
   عم محمد
   يُنصر دينك
   قولوا امين
   قولوا امين

   ************
   مجيد البرغوثي

   شاعر وكاتب فلسطيني
   http://www.majeedbarghouthi.net

   http://majeedb.maktoobblog.com/

   Comment by Majeed Al-Barghouthi — March 3, 2007 @ 10:46 pm

5. لو خدوا من الكلب صوف تأخد من واحد في الشرطة معروف
   بطل مين وهباب مين
   ده منقول من إسكندرية لحراسة السفارة الإسرائيلية كنوع من العقاب
   يعني بيكدروا
   فهو رافض للنقل التعسفي من الأسكندرية مسقط رأسه ومكان أسرته لمديرية الجيزة
   يعني قصة تخص نادي الذئاب فيما بينهم وبين بعضيهم
   خلاص خلصوا الرجالة هنعمل ده بطل
   أنا أعرف البطل يكون واحد زي عصام العريان كل يومين يتجر عالمعتقل وبرغم كده ثابت على موقفه
   موش واحد من داخل نادي الذئاب

   Comment by واحد مخنوق — March 4, 2007 @ 7:14 pm

6. اولا افتخر انى من مصر ولاكن مصر مائدرتش اديها كل حاجه ولاكن اخيرا لقيت مواطن من بلدى وا من مصر وسمو على اسمى محمد خلف وانا اسمى محمد خلف والله كان نفسى اكون ضمن الموجودين فى احد المعاهد المصريه ولاكن لم يوريد اللله ان يودخلنى هذة واتمنا من اخويه محمد خلف المذيد من رفع روحك المعنويه لا لا تخاف من احد ولاكن اعرف انك راجل من ضهر راجل اخوك محمد خلف www.arabvip.jeeran.com

   Comment by محمد خلف — September 30, 2007 @ 3:47 am

7. اشكر السيد فى هذا الزمن الذى قل فى الراجل اشكرك من كل قلبى وانا لم اعرف الى من فترة ضغير ة من خالتى ام نورة وشكرا على هذا الموقف البطلى الذى انتا قمت بية واعرفك بنفسى انا ابن زملي ليك هو امين شرطة الدفعة الربع دفعت عم حسن خلف واسمو حربى ابا هيم حن قسم الساحل وشكرا على البكولط الذى قمت بيه حبيتك ام نورة وابنك محمدحربى ابن زمسيل ليك

   Comment by Anonymous — August 8, 2008 @ 2:31 pm

RSS feed for comments on this post.

Leave a comment

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>