واحد من الناس

بوست من غير عنوان

February 23, 2007

صحيت من الحلم .. كان حلم جميل .. بس الحلم الجميل ساعات كتير بيوجع اوى زى الكابوس ويمكن اكتر .. لانك لما بتفوق وتلاقى كل شئ جميل كان معاك اختفى وكل صوت حنين رقيق اتخرس مرة واحدة.. ساعتها بتعرف ان الحلم الجميل برضو يتخاف منه زى الكابوس.
بس خلاص مفيش حاجة … انا كويس
انا نازل اتمشى فى الشوارع شوية .. او يمكن اروح القهوة اللى بقعد عليها .. لا انا هاروح السينما ..ايوة هاروح اوديون اشوف فيها ايه ..
انا اسف لاى حد وكل حد انا سببتله الم او ضايقته فى يوم من الايام
اسف لاى حد كشرت فى وشه لحظة واحدة
اسف لنفسى انى عملت فيها كل اللى عملته دة
اسف يا عمرى انى سبتك تتسرق منى
اسف لى احد كان معايا حاجة هو محتاجها اكتر منى ومخدتش بالى
ملك.. خالو طارق بيحبك اوى
ال باتشنو.. انت ممثل خرافى
ساندرا بولك… كفاية نظرة واحدة منك تخلينى انسى همومى
بحبك اوى يا نبيل يا حلفاوى

عاوز اغنى ممكن تسمعو منى الاغنية الاخيرة دى ..

انا مش هافضل كدة على طول
مش هاستنى العمر يعدى
انا مش هاسكت لازم اقول
قد ماهاخد قد ماهادى
انا دلوقتى براجع نفسى قبل مالايام تقوت
وعشان حاجات تعيش حاجات كتير لازم تموت
مش كبرياء ..لكن بصلح كل شئ فى انكسر
ومن الغباء انك تعيش زى الملاك بين البشر
يعنى براجع نفسى ..واللى زمان انا عشته لغيرى
انا دلوقتى هاعيشه لنفسى

انا نازل … اشوف وشكو بخير
انا ماشى

Posted in حاجات تخصنى |

3 Comments »

The URI to TrackBack this entry is: http://1ofthepeople.blogsome.com/2007/02/23/25/trackback/

1. طارق
   البوست ده كمان حلو اوى طارق انا حاسس انك اكتر شاب بيقدر يعبر عن احاسيس الشباب اللى زيه انت عارف انا عايز اكتب بوست عن نفسى نفسى احكى احلامى ومشاكلى انا كتبت واحد قبل كده اسمه هل انا سعيد معرفش شفته ولا لا
   بس عموما كل ما اجى اكتب عن نفسى معرفش اعبر كويس اقوم ماسحه واقوم داخل عندك الاقيك بتعبر عن اللى انا حاسه ربنا يخليك انا حاسس فعلا انك بتكلم عنى
   انا فعلا كتير جدا بروح سينما اديون ولوحدى مش لاقى اصحاب كتير

   طارق ابعتلى موبيلك على الميل ولو سمحت ممكن نكون اصحاب

   Comment by مصر هى امى — February 24, 2007 @ 8:56 am

2. جايز عندها ظروف

   Comment by nana ali — February 25, 2007 @ 8:39 am

3. دايما الشعور بالالم بيوحد الناس ويجمعهم… اتمنى تختفى الامك وتظهر شمس الامل من جديد فى حياتك
   بس هاقولك حاجة احيانا لما بنستسلم لحالنا المؤلم بنساهم فى قتل روحنا اكتر … عايزة اقولك ان كلمات الاغنية صعبة جدا على اى حد انه يتغير بين يوم وليلة لكن التغيير لازم يتم وصدقنى هتتعب شوية لكن هتحس انك على الاقل مبنفخش فى قربة مقطوعة

   Comment by رباب — November 25, 2007 @ 7:52 pm

RSS feed for comments on this post.

Leave a comment

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>