بين الحقيقة والخيال
February 21, 2007
مش عارف كنت بحلم ولا دة كان حقيقة..اول مرة اكلمها على الماسنحر..بدات معايا على طول بالسؤال ان كنت لسة مخنوق؟ قاعدنا نتكلم وكل ما تتكلم اكتر احس اد ايه احنا قريبين وشبه بعض اوى ..بتسمع اللى بسمعه بتحب اللى بحبه .. حتى بتعمل حاجات كنت فاكر انا بس اللى بعملها (حاجات عبيطة)
اتكلمنا اكتر من تلات ساعات ماحستش بيهم خالص وكأن الوقت دة مش موجود ..كأنه خرافة او اسطورة ملهاش وجود ..بس لما قلتلى انها هاتمشى عرفت ان الوقت مش خرافة او اسطورة ..عرفت انه عامل زى طائر رخ كبير بيفرد جناحة ويخطف منك اللى خلاك تنساه عشان متنسهوش تانى وتفضل فاكره ..ولما يرجعهولك تفضل خايف منه وعينك عليه لحسن يفرد جناحه تانى ويطوى جواه اللى انت مش عاوز تفارقه… خد منى كتير اوى ..خد اعز الناس ومرجعهمش خد منى مللك الضحكة الصافية اللى فحياتى وخد من محمد اخويا وابويا وامى وصاحبى كل حاجة .. افرد جناحك بس مرة كمان اشوفهم وملى عينى منهم وبعدين .. وبعدين ابلعهم تانى .
انا خرجت برة الموضوع .. ارجع للملاك اللى نزل يطمن على ومشى ..كانت كل شوية تسالنى طب انت احسن دلوقتى ؟ السؤال دة لما واحدة هى اللى تسالهولك بيكون ليه طعم مختلف تماما..مش متعود عليه .
الحلم لسة مخلص.. قالتى انها مروحة دلوقتى من الشغل وهتتصل بى عشان تتطمن على .. جرس الموبايل بيرن ..مش ممكن تكون هى ..الو طارق ازيك ..ارتبكت اوى ..سكت كتير ..اول مرة اكلم بنت فى التليفون ..كان منظرى وحش .. المهم اطمنت على واقفلت ..انا لسة بحلم.. هو فى كدة؟ ..ممكن كدة ؟
كان نفسى اقولها انى عاوز اشوفك … بس مافتكرش انا اقدر اعمل كدة .. انى اقولها ولا انى اشوفها فعلاً؟ الاتنين لو حصل دة هابقى متوتر جدا ..وشكلى وحش جدا ..عمرى ماهتمت بلبسى وهدومى.. مانيش الشاب الوسيم اللى واخد باله من نفسه ..طول عمرى فلوسى ضايعة على الكتب والكمبيوتر بتاعى والسينما… لا انا هاطلب منها نكون فى مكان عام مليان ناس ونشوف ان كنا هناقدر نعرف بعض ولا ..ولو عرفتنى او عرفتها منقولش ولما نروح واقابلها على النت واقولها انتى اللى كنتى لابسة كذا .. وتقولى طب انت اللى كنت بتعمل كذا.. وننزل مكان تانى ونجرب تانى .. عبط مش كدة ..وايه يعنى
بس بس عندك .. انت ايه الللى هايخليك تكمل فى السكة دى تقابلها وتخرج .. انت قولت هاتبقى اخت وصديقة بس ..مش كدة؟ وبعدين مش ممكن تكون بتتسلى بيك وبتلعب بمشاعرك؟ اصل انا عارفك اى واحدة هاتكلمك كلمة حلوة هاتتعلق بيها وتفتكرها معجبة بيك ولا حاجة ..
انا ماقولتش كدة ..انا كمان عاوزها اخت وصاحبة .. وموضوع انها ممكن تكون بتتسلى .. مش عارف بس من حقى اجرب وادى نفسى فرصة ..واديها هى كمان فرصة .. انا مش هافضل طول عمرى كدة .. وانت فاهم عذاب كلمة كدة دى ..
انت مش قد الموضوع دة ..بلاش احسن انت عارف نفسك ..
ايوة عارف نفسى ..بس هو مش ممكن تطلع هى اللى بحلم بيها واللى تقدر تقدر ظروفى وتحتوى ارتباكى بحنية الام ورقة الحبيبة. ؟
انت حر ..
ايوة انا حر ..
مش عارف ليه ..باتونس بيكى ..وكأنك من دمى ..على راحتى معاكى وكأنك امى.
اتكلمنا اكتر من تلات ساعات ماحستش بيهم خالص وكأن الوقت دة مش موجود ..كأنه خرافة او اسطورة ملهاش وجود ..بس لما قلتلى انها هاتمشى عرفت ان الوقت مش خرافة او اسطورة ..عرفت انه عامل زى طائر رخ كبير بيفرد جناحة ويخطف منك اللى خلاك تنساه عشان متنسهوش تانى وتفضل فاكره ..ولما يرجعهولك تفضل خايف منه وعينك عليه لحسن يفرد جناحه تانى ويطوى جواه اللى انت مش عاوز تفارقه… خد منى كتير اوى ..خد اعز الناس ومرجعهمش خد منى مللك الضحكة الصافية اللى فحياتى وخد من محمد اخويا وابويا وامى وصاحبى كل حاجة .. افرد جناحك بس مرة كمان اشوفهم وملى عينى منهم وبعدين .. وبعدين ابلعهم تانى .
انا خرجت برة الموضوع .. ارجع للملاك اللى نزل يطمن على ومشى ..كانت كل شوية تسالنى طب انت احسن دلوقتى ؟ السؤال دة لما واحدة هى اللى تسالهولك بيكون ليه طعم مختلف تماما..مش متعود عليه .
الحلم لسة مخلص.. قالتى انها مروحة دلوقتى من الشغل وهتتصل بى عشان تتطمن على .. جرس الموبايل بيرن ..مش ممكن تكون هى ..الو طارق ازيك ..ارتبكت اوى ..سكت كتير ..اول مرة اكلم بنت فى التليفون ..كان منظرى وحش .. المهم اطمنت على واقفلت ..انا لسة بحلم.. هو فى كدة؟ ..ممكن كدة ؟
كان نفسى اقولها انى عاوز اشوفك … بس مافتكرش انا اقدر اعمل كدة .. انى اقولها ولا انى اشوفها فعلاً؟ الاتنين لو حصل دة هابقى متوتر جدا ..وشكلى وحش جدا ..عمرى ماهتمت بلبسى وهدومى.. مانيش الشاب الوسيم اللى واخد باله من نفسه ..طول عمرى فلوسى ضايعة على الكتب والكمبيوتر بتاعى والسينما… لا انا هاطلب منها نكون فى مكان عام مليان ناس ونشوف ان كنا هناقدر نعرف بعض ولا ..ولو عرفتنى او عرفتها منقولش ولما نروح واقابلها على النت واقولها انتى اللى كنتى لابسة كذا .. وتقولى طب انت اللى كنت بتعمل كذا.. وننزل مكان تانى ونجرب تانى .. عبط مش كدة ..وايه يعنى
بس بس عندك .. انت ايه الللى هايخليك تكمل فى السكة دى تقابلها وتخرج .. انت قولت هاتبقى اخت وصديقة بس ..مش كدة؟ وبعدين مش ممكن تكون بتتسلى بيك وبتلعب بمشاعرك؟ اصل انا عارفك اى واحدة هاتكلمك كلمة حلوة هاتتعلق بيها وتفتكرها معجبة بيك ولا حاجة ..
انا ماقولتش كدة ..انا كمان عاوزها اخت وصاحبة .. وموضوع انها ممكن تكون بتتسلى .. مش عارف بس من حقى اجرب وادى نفسى فرصة ..واديها هى كمان فرصة .. انا مش هافضل طول عمرى كدة .. وانت فاهم عذاب كلمة كدة دى ..
انت مش قد الموضوع دة ..بلاش احسن انت عارف نفسك ..
ايوة عارف نفسى ..بس هو مش ممكن تطلع هى اللى بحلم بيها واللى تقدر تقدر ظروفى وتحتوى ارتباكى بحنية الام ورقة الحبيبة. ؟
انت حر ..
ايوة انا حر ..
مش عارف ليه ..باتونس بيكى ..وكأنك من دمى ..على راحتى معاكى وكأنك امى.
كل اللى فات دة عبارة عن خليط بين الحقيقة والخيال ..حاجات منه حصلت وحاجات اتخيلتها وحاجات اتمنيت تحصل وحاجات خايف تحصل.
ساعات المنطقة اللى بين الحقيقة والخيال بتكون احسن من الخيال الخالص برومانسيته الناعمة اللى ممكن تزحلق الواحد وتوقعه على جدور رقبته واحسن من منطقة الواقع المر اللى يفضل يجرح فيك بشوكه وسكاكينه.
بص يا طارق
انت مشكلتك ان معندكش اصحاب كتير حاول تتقرب من الناس ده حتى اسمك واحد من الناس
طارق انا الفترة ديه معنديش اصحاب كتير وبقعد اتخيل كتير زيك انى اتجوزت وانى مخلف اولاد وبربيهم ازاى بص ده شعور طبيعى
هقولك على حاجة متحاولش تخسر البنت ديه خلى علاقتكم كويسة ولو ليكم خير فى بعض هتشوفوه
انا كمان بتعذب نفسى الاقى واحدة واحبها واتجوزها انا ممكن مكونش لسه بحب خطيبتى اللى فاتت لكن انا بحب الايام ديه كانت اسعد ايام حياتى كانت الابتسامة مالية وشى لكن دلوقتى نسيت حتى شكل الضحكة عاملة ايه
طارق انا بحب مدونتك وكنت هقولك ابعتلى رقم موبيلك على الميل علشان نبقى اصحاب بس انت بصراحة بتقلب عليا المواجع جامد اوى كل مبقول انى هانسى الاقيك كاتب بوست كانك كاتبه عنى ارحم نفسك وارحمنى
Comment by مصر هى امى — February 22, 2007 @ 7:32 am
ازيك يا عم عادل..
مفيش علاقة ولا حاجة .. كل الحكاية 3 ساعات شات وخلاص .. انا اللى دماغى تعبانة واقعدت اتخيل واسرح .. وهى واحدة حنينة اوى كانت عاوزة تطمن على واحد متعرفوش شافته مخنوق شوية.. بس.
ومعلش لو كنت بسببلك اى الم او نكد او غم ::: وافتكر انى بسببلك كل دول:::
كفاية كدة عشان انت بنى ادم حساس اوى وبتحس بى بسرعة ولو انا اتكلمت دلوقتى ولا فضفت فى الحالة االلى انا فيها دلوقتى … مش هاتسمحنى ابدا ولا انا هاسامح نفسى على القرف والنكد اللى بسببهولك.
Comment by واحد من الناس — February 23, 2007 @ 2:58 pm
كتير بحلم وانا صحية واحس ان كل اللى بشوفة بيتحقق لان مش دائما الحلم بيكون واحنا نيمين اوقات بقعد مع نفسى واتخيل حاجات كتير بعضها بيحصل والبعض لا يحدث وانت بجد انسان كويس قوى بس لازم تقرب اكتر من الناس ومتفضلش واحد من الناس لان الوحدة بتقتل صاحبها وضيعة وحاول تندمج اكتر مع الناس
Comment by heb0o0o — March 14, 2007 @ 8:24 pm
heb0o0o
ساعات بيبقى صعب اوى تتواصل مع الناس .. دايما تحس انك غريب عنهم .. ودة بيكتر من الاحلام اللى من النوع دة
كتشكر على كلامك الجميل .. ويا ريت تشرفنى دايما
Comment by واحد من الناس — March 15, 2007 @ 7:39 pm
انا بحب بنت معايا فى الكليه بس عاوز طريقه كويسه علشان تحبنى
Comment by alisaed — September 16, 2007 @ 12:15 am