طلب لجوء انسانى لاى حته خارج حدود مصر
February 2, 2007
مش عارف ابدأ منين .. عاوز اكتب عن حاجات كتير اوى بس كلها حاجات تسد النفس ومخليانى مش عاوز اكتب حاجة خالص .. يا رب هو الواحد لحد امتى هايفضل عايش فى الغلب دة.
1- فاكرين الكليب دة.. جريدة المصرى اليوم وصلت للمواطن ايهاب مجدى فاروق اللى حكى اللى حصل وملخصه انه كان ماشى واستوقفه امين شرطة تابع لقسم امبابة اشتباه واداله الطريحة الرسمية بامر من ظابط اسمه كريم بيه اللى صور الكليب دة ..وبعدين خدوه على القسم لاستكمال باقى حقوقه الدسنورية الكاملة من شلاليت والام وشتايم والذى منه .. خراب يا مصر
1- فاكرين الكليب دة.. جريدة المصرى اليوم وصلت للمواطن ايهاب مجدى فاروق اللى حكى اللى حصل وملخصه انه كان ماشى واستوقفه امين شرطة تابع لقسم امبابة اشتباه واداله الطريحة الرسمية بامر من ظابط اسمه كريم بيه اللى صور الكليب دة ..وبعدين خدوه على القسم لاستكمال باقى حقوقه الدسنورية الكاملة من شلاليت والام وشتايم والذى منه .. خراب يا مصر
المهم …بعد ما المصرى اليوم نشرت الخبر لو انت ف اى بلد محترم تتوقع ايه اللى يحصل بعد كدة ؟؟
مين يجاوب؟..ايوه البيه اللى رافع ايده هناك اتفضل..
حضرتك عشان يبقى فيه مساوة بين المواطنين قدام القانون ومحدش يبقى احسن من حد لازم يحصل معاه زى اللى حصل مع المواطن المعفن التانى اللى اسمه عماد الكبير ..يعنى حضرتك لازم يتحاكم وياخدله على الاقل 3 لاشهور زى الواد عماد.
سؤال بس ..هو حضرتك شغال ايه ؟
انا ظابط ياد ..فى حاجة؟
وبالفعل يا سادة يا كرام (مش كرام اوى ..وللانصاف مش كرام خالص) هو دة اللى هايحصل تقريباً حيث قامت قوات رجال الشرطة الاشواس باقتحام منزل المواطن الغلبان المذكور واحنجزت ابوه ومراته رهان لحد ما يسلم نفسه (والله كويس انهم مطلبوش فدية) ويتنفذ فيه مبدأ المساواة امام القانون زى زميله عماد (يحيا العدل).
كلام وسخ كتيير اوى عمال يتنطط فى دماغى دلوقتى بس ماينفعش اقوله قدامها..
اخر حاجة عشان قلبى واجعنى.. انا اطالب بحق اللجوء الانسانى لاوسخ حتة فيكى يا كرة يا ارضية المهم تكون خارج حدود مصر – مصر تلك البلاد التى لم تعد صالحة للاستخدام الادمى.
2- كنت عاوز اتكلم عن نكبة فلسطين 2 … الفلسطنين بيقتلو فى بعض ..فى
ايه ..الناس دة اتجننت ولا اتعمت ولا ايه بالظبط.. بسسس كفااااية انا ضغطى على والجلطة اهى على الابواب.. (انا قابم افتحلها)
مين يجاوب؟..ايوه البيه اللى رافع ايده هناك اتفضل..
حضرتك عشان يبقى فيه مساوة بين المواطنين قدام القانون ومحدش يبقى احسن من حد لازم يحصل معاه زى اللى حصل مع المواطن المعفن التانى اللى اسمه عماد الكبير ..يعنى حضرتك لازم يتحاكم وياخدله على الاقل 3 لاشهور زى الواد عماد.
سؤال بس ..هو حضرتك شغال ايه ؟
انا ظابط ياد ..فى حاجة؟
وبالفعل يا سادة يا كرام (مش كرام اوى ..وللانصاف مش كرام خالص) هو دة اللى هايحصل تقريباً حيث قامت قوات رجال الشرطة الاشواس باقتحام منزل المواطن الغلبان المذكور واحنجزت ابوه ومراته رهان لحد ما يسلم نفسه (والله كويس انهم مطلبوش فدية) ويتنفذ فيه مبدأ المساواة امام القانون زى زميله عماد (يحيا العدل).
كلام وسخ كتيير اوى عمال يتنطط فى دماغى دلوقتى بس ماينفعش اقوله قدامها..
اخر حاجة عشان قلبى واجعنى.. انا اطالب بحق اللجوء الانسانى لاوسخ حتة فيكى يا كرة يا ارضية المهم تكون خارج حدود مصر – مصر تلك البلاد التى لم تعد صالحة للاستخدام الادمى.
2- كنت عاوز اتكلم عن نكبة فلسطين 2 … الفلسطنين بيقتلو فى بعض ..فى
ايه ..الناس دة اتجننت ولا اتعمت ولا ايه بالظبط.. بسسس كفااااية انا ضغطى على والجلطة اهى على الابواب.. (انا قابم افتحلها)
ياخويا اتلهى احمد ربنا انها جت على قد كده علشان لو ماحصلش غير كده ده يبقى انت اكيد مش من مصر
يا ابنى مصر هى امى واحنا خدامين الشرطة تعمل فينا اللى هيا عاوزاه
Comment by مصر هى امى — February 4, 2007 @ 7:22 am
هي مصر بس ذنبها ايه ، احنا اللي مخلينها وحشه بسلوكياتنا غير المسؤله ، لو واحد اتعامل بطريقه مهينه من ظابط او امين شرطه نقول مصر ، لو اتبهدلنا في الشوارع نقول مصر ، لو ملقناش وظايف نقول مصر، ياناس مصر الوطن مافيش احلي منها لكن الفساد اللي صنعناه بأنفسنا نحن اولاد مصر هو الذي اطاح بالوطن
Comment by maksofa — February 5, 2007 @ 10:52 am
ولحد من الناس ازيك انا مررت ليك تاج ابقى رد عليه مستنى اجاباتك
Comment by مصر هى امى — February 6, 2007 @ 11:36 am
مصر هى امى:::: يا ريت يحصل غير كدة ومش مهم اكون فى مصر … فين التاج دة يا باشا؟
مكسوفة هانم::::: كنا زكان بنقول اهم حلجة مصر هى ناسها … ومش مهم نستحمل الحكومة والحكام وظلمهم ..بس دلوقتى تقدرى تقولى كدة ؟ تقدرى تقولى ان احلى حاجة فى مصر هى المصريين ؟ شوفتى الناس بقت عاملة ازاى ..شوفت الانهيار الكبير فى القيم ولاخلاق …شوفتى انعدام الضمير … شوفتى الفساد اللى بقى بيجرى فى دمهم … عارفة الناس بقت مش عاوز تتحرك ضد الخكومة لانهم بقوا زيها وواوسخ كمان …هو فعلا اللى مقدرتش استحمله ..
عارفة انا مكانش فى حد فى الكون دة كله بيحب كلمة مصر دى ادى ….. عارفة وااله عنى دنعت وانا بقول ل “مصر هى امى ” مش مهم يكون فى مصر .
Comment by واحد من الناس — February 6, 2007 @ 4:33 pm
سعادتك شرفنى عندى فى المدونة وانتى تلاقى التاج ده
Comment by مصر هى امى — February 7, 2007 @ 7:14 am
المصريين اهما .. السلبيين اهما
طول ما احنا بنخاف وماشيين بمبدا الجبن سيد الاخلاق عمرنا ما هنلاقى حد يعاملنا على اننا بشر او بنى ادميين
وطبعا طبعا الداخلية هتلبس الواد قضية وهيتحبس والمرة دى هينضرب بس اعمالا باه بمبدا المساواة الضرب مش هيبقى على قفاه … لازم يحس بكل المتع والفرحة اللى حس بها عماد
Comment by nana ali — February 10, 2007 @ 11:40 am
>>وبعدين خدوه على القسم لاستكمال باقى حقوقه الدسنورية الكاملة من شلاليت والام وشتايم والذى منه .. خراب يا مصر>مين يجاوب؟..ايوه البيه اللى رافع ايده هناك اتفضل..>كلام وسخ كتيير اوى عمال يتنطط فى دماغى دلوقتى بس ماينفعش اقوله قدامها
Comment by واحد تاني من الناس — February 18, 2007 @ 4:42 am
حسبنا الله ونعم الوكيل ………………………………………………………………………..
Comment by مصري — April 6, 2008 @ 5:54 am
اتدرون متي سوف نفوق عندما يقولون لنا لقد تم خصخصه مصر واشترها شويه رجال أعمال مش مهم جنسيتهم ولادينهم
المهم أننا نتباعد مع البلد دي وهنكون عبيد عند أسيادنا الجدد
حسبي الله ونعم الوكيل فيك يا حسني مبارك من مظلوم انظلم من نار حكمك
ومن أخوتي لايجدون الطعام ومن أبائي لا يجدون الدواء ومن كل مواطن مصري شريف
Comment by مصري — April 6, 2008 @ 5:57 am