واحد من الناس

افضحووووووه

January 10, 2007

 

من ساعة ما عرفت بموضوع تعذيب عماد ..ماحولتش اشوف الفيديو لان مجرد قرايتى للموضوع انهارت فى موجة بكاء شديد .. مارحتش شغلى تانى يوم.. فضلت تلات اربع ايام بعدها كاره كل حاجة ماشية فى الشارع على رجلين ::اللى هم البنى ادمين يعنى:: حاسس انهم السبب ..حاسس انهم كانوا ماسكين العصايا مع الكلاب بتوع قسم بولاق ::ولا استثنى نفسى:: المهم انى فررت انى مكتلمش فى الموضوع دة ولا اكتب عنه ولا عاوز افتكره اصلا..

النهاردة عرفت من وائل عباس ودماغ ماك وجريدة الفجر ان الحيوان اللى عمل العملة دى اتعرف وان اسمه اسلام نبيه وان فى حملة لفضحه عشان الناس كلها  تعرفه على حقيقته ..حاسيت انى لازم اشارك فى الموضوع دة..لازم الناس كلها تعرف وتحفظ شكله..

فيا مدام يللى دة جوزك…اتفو على جوزك

يا حاج يللى دة ابنك.. انت ربته ازاى

يا كتكوت يا صغير .. عرفت بابا عمل ايه؟

يا ناس يللى ساكنه جنب البيه.. لا تلقوا السلام عليه ولا على اهله. خافوا على ولادكم منه … ابعدوا بناتكم عنه .. 

دعوة الى كل المدونين.. افضحووووووه

 ان شاء الله هابداْ حملة ايميلات جديدة… انا ببعت باسم Haneen Jenin ..

Posted in حاجات تخصنا |

8 Comments »

The URI to TrackBack this entry is: http://1ofthepeople.blogsome.com/2007/01/10/15/trackback/

1. كلب وابن ستين كلب …
   ربنا معانا ويستر علينا ومش عارف اقولك ايه والله بس لو كل واحد عايز يحس بمدي قسوه وكفر الحكومه واللي معيشينا في رعب يتخيل مدي الاهانه اللي اتهانها عماد ويشوف هو لو مكانه هو ممكن يعمل ايه وايه هيكون احساسه بجد حرام وليهم يوم ولازم يعرفو ان غل الشعب اللجواهم هيشوفو الويل منه لما يجي يومهم
   وعارف انت هتقولي ايه
   هما مش باين لهم يوم اساسا وشكلنا هنفضل كده
   ومتقولش ايه اديتنا مصر قول هندي ايه لمصر

   Comment by neo007 — January 10, 2007 @ 8:06 pm

2. بصراحة بتضايق قوي من الناس ذوي الأحساس المرهف
   معلش أنا بقول لك رأيي بصراحة
   دي بلد فراعنة يا صديقي
   كل صاحب سلطة في حكومة فرعون هو هامان
   فلا تستغرب
   ولا تندهش
   ولا تتعجب
   فقط إنتظر وسيطول إنتظارك

   Comment by hidenneo — January 13, 2007 @ 9:26 pm

3. اليوم إسلام نبيه …وغداً كل حبار أثيم

   Comment by ahmad — January 14, 2007 @ 12:36 am

4. يا باشا ان شاء الله ربنا هكشف كل مفتري ومش اسلام ده بس لا كل كلاب السلطة

   Comment by Copa — January 21, 2007 @ 2:35 pm

5. حسبى الله ونعم الوكيل

   Comment by nana ali — January 23, 2007 @ 8:39 am

6. مساء الخير انا عايز اقول ان مش هوا لوحده غلطان الغلطان الاكبر كلية الشرطة والمدرسين اللى فيها اللى معلمهوش غير ان ده الاسلوب الوحيد فى التعامل مع المصريين انا عايز اقول للظابط ده ان عماد ده مصرى زيك وبنى ادم حرام عليك افتكر ربنا ده لو كنت تعرفه

   Comment by muhammad — January 23, 2007 @ 12:57 pm

7. مساء الخير انا عايز اقول ان مش هوا لوحده غلطان الغلطان الاكبر كلية الشرطةوالمدرسين اللى فيها اللى معلمهوش غير ان ده الاسلوب الوحيد فى التعامل مع المصريين انا عايز اقول للظابط ده ان عماد ده مصرى زيك وبنى ادم حرام عليك افتكر ربنا ده لو كنت تعرفه

   Comment by muhammad — January 23, 2007 @ 1:00 pm

8. اما مش عاوز حد يهداله بال قبل ما كلنا نعمل اللى علينا ونفضحه في كل مكان ونعرفه مقامة ووضعه الحقيقي ، دا عمره ما يبقى كائن بشري ابدا
   ايه السادية والوحشية والقذارة دي؟؟؟ ايه الجبروت والوقاحه والسفالة دي؟؟
   لازم كلنا نفضحه، عشان كلهم يعرفوا بعد كدا ان الشعب خلاص بطل سلبية ومش هيسيب حقه ابدا
   عشان كلهم يعرفوا ان الكلام ده هيحصلهم لو فكروا يعملوا حاجه تانى في اي مواطن غلبان
   افضحوه يا بشر
   افضحوا الحيوان المقزز
   ويجب ان يكون جزاءه من جنس عمله
   لازم عماد يعمل فيه زي ما عمل فيه قبل كدا
   ولك الله يا شعب مصر
   دمتم بخير
   ساكاماكا نيوز

   Comment by osama samy — January 25, 2007 @ 10:43 am

RSS feed for comments on this post.

Leave a comment

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>