مصر … تلك البلاد التى لم تعد صالحة للاستخدام الادمى
November 27, 2006
لم اعد اتحملكى ايتها الارض الملعونة …لم اعد اتحمل حتى حروف اسمك بعد ان كنت اذوب عشقاً فيها…مش قادر اسمع سيرتك اللى بقت مربوطة دايما بهزيمة وبفساد ودعارة وسمسرة وخيانة ..مش قادر اشوف ناسك اللى مابقوش ناس بالمرة..
مش قادر اسامحك على كل الحب اللى حبتهولك وانتى عارفة انك كنت ام وحبيبة..
مش قادر اسامحك على اهلى وحبايبى اللى غربتيهم جواكى وبراكى..
مش قادر اسامحك على احلامى اللى ضيعتيها وخلتنى محلمش تانى ابداً..
مش قادر اسامحك على احساسى بالامان اللى ضاع وبقى مكانه احساس فظيع بالخوف من كل حاجة وكل انسان وكل ثانية وكل كلمة وكل نظرة ..
مش قادر اسامحك على كل الحرمات اللى بتنتهك فيكى ..مابقاش فى حاجة عندك ليها حرمة.. حرمة جسدى فيكى منتهكة من اوسخ عسكرى لاوسخ بلطجى وحرمة مالى منتهكة فيكى من اوسخ عسكرى برضو لاوسخ موظف لاوسخ مدرس لاوسخ سواق لاوسخ تاجر لاوسخ مواطن لاوسخ رأيس فيكى..
نسيتينى انى انسان من كتر ما عاملتينى زى الحيوانات..
نسيتينى انى حر من كتر ما استعبدتينى واستعبدتى اهلى واصحابى واحبابى..
نسيتينى طعم الفرح من كتر الحزن اللى عشش فى قلبى ..
كنتى بلد الامن والامان.. بقيتى بلد الخوف والبلطجة والتحرش والسرقة والفساد والتزوير والظلم والقهر والحبس والمنع .. بقت العيشة فى ابعد غابة فيكى يا كرة يا ارضية وسط اكثر قبائل اكلى لحوم البشر وحشية أأمن من الحياة وسط هؤلاء المتحوليين اللى كان اسمهم المصريين..
كنتى ام الدنيا.. بقيتى امنا الغولة اللى اكلت ولادها واحترفت الدعارة والعهر السياسى والاجتماعي والفكري والحرفي..
وحياة دموعى اللى علطول مرغرغة فى عينى ومغرقة سريرى لما افكر فى حالى وحالك.. مش قادر اعيش فيكى.
وحياة هواكى النجس واكلك وزرعك النجس ومايتك النجسة وناسك اللى نجست كل دة.. مش قادر اعيش فيكى.
وحياة كل لحظة حزن وذل فى عيون محمد وجيه اللى رمتيه بقسوتك وفسادك فى بحور الغربة بحثاً عن عمل وكيان وهرباً من واقع لم يعد يتحمله.. مش قادر اعيش فيكى.
وحياة كل لحظة وحزن وضياع فى عيون أسامة. وحياة صحيته اللى بيضيعها فى شرب اى حاجة تنسيه انه بنى ادم اصلا ..مش قادر اعيش فيكى.
مش قادر اسامحك على احساسى بالامان اللى ضاع وبقى مكانه احساس فظيع بالخوف من كل حاجة وكل انسان وكل ثانية وكل كلمة وكل نظرة ..
مش قادر اسامحك على كل الحرمات اللى بتنتهك فيكى ..مابقاش فى حاجة عندك ليها حرمة.. حرمة جسدى فيكى منتهكة من اوسخ عسكرى لاوسخ بلطجى وحرمة مالى منتهكة فيكى من اوسخ عسكرى برضو لاوسخ موظف لاوسخ مدرس لاوسخ سواق لاوسخ تاجر لاوسخ مواطن لاوسخ رأيس فيكى..
نسيتينى انى انسان من كتر ما عاملتينى زى الحيوانات..
نسيتينى انى حر من كتر ما استعبدتينى واستعبدتى اهلى واصحابى واحبابى..
نسيتينى طعم الفرح من كتر الحزن اللى عشش فى قلبى ..
كنتى بلد الامن والامان.. بقيتى بلد الخوف والبلطجة والتحرش والسرقة والفساد والتزوير والظلم والقهر والحبس والمنع .. بقت العيشة فى ابعد غابة فيكى يا كرة يا ارضية وسط اكثر قبائل اكلى لحوم البشر وحشية أأمن من الحياة وسط هؤلاء المتحوليين اللى كان اسمهم المصريين..
كنتى ام الدنيا.. بقيتى امنا الغولة اللى اكلت ولادها واحترفت الدعارة والعهر السياسى والاجتماعي والفكري والحرفي..
وحياة دموعى اللى علطول مرغرغة فى عينى ومغرقة سريرى لما افكر فى حالى وحالك.. مش قادر اعيش فيكى.
وحياة هواكى النجس واكلك وزرعك النجس ومايتك النجسة وناسك اللى نجست كل دة.. مش قادر اعيش فيكى.
وحياة كل لحظة حزن وذل فى عيون محمد وجيه اللى رمتيه بقسوتك وفسادك فى بحور الغربة بحثاً عن عمل وكيان وهرباً من واقع لم يعد يتحمله.. مش قادر اعيش فيكى.
وحياة كل لحظة وحزن وضياع فى عيون أسامة. وحياة صحيته اللى بيضيعها فى شرب اى حاجة تنسيه انه بنى ادم اصلا ..مش قادر اعيش فيكى.
عارفه.. ممكن اسامحك على كل دة.. بس اللى مش هاقدر اسامحك عليه .. انك قدرتى تخلينى اكرهك
انتى بقيتى بلد لا تصلح للاستخدام الادمى
بسم الله الرحمن الرحيم
أخاطبكم بصفتكم أحد أنشط بؤر التفاعل فى هذا الوطن , وأعلم أنكم توقنون كما أوقن ويوقن كل شريف مخلص فى هذا البلد أننا نعيش لحظة فارقة بين تاريخ وتاريخ , وأن ما هو آت أيا ما كان إنما يمثل نتيجة تفاعلنا مع هذه اللحظة الفارقة فى تاريخ مصر , وفى كل الأحوال تنحصر تلك النتيجة فى احتمالين اثنين فإما النجاح وإما الفشل , فان كان النجاح فقد انتقلنا إلى زمن لم نكن نحلم ببلوغه وذلك لتواضع أحلامنا دائما إذا ما قورنت بما لهذا البلد من قوة , وان كان الفشل فقد انتقلنا إلى زمن سنتحسر فيه على أيامنا هذه وذلك لتواضع إدراكنا بأبعاد ومخاطر الكارثة التى يحياها هذا البلد .
كذلك فلا يمكننا تجنب المخاطرة وتفويت هذه اللحظة الفارقة لأن عواقب استمرار الحال على ما هو عليه أخطر وأفدح من عواقب المحاولة والفشل .
وكونى جزءا من هذا الجسد المواجه بحتمية التحرك والمحاصر بهذه المخاطر والتهديدات فقد استعنت بالله وقمت بعمل بحث بعنوان ( ثورة الإخلاص وطريق الخلاص ) وهو بحث عن طريق نهضة مصر والعرب وصيغة العقد الاجتماعي المرتقب , اعتمدت فيه على حسابات العقل والمنطق المجردة من الهوى والمصالح الشخصية لضمان الوصول إلى النتيجة الصحيحة التى لا يمكن لعاقل ردها .
وعلى ذلك فهذا البحث وفى أفضل الأحوال قادر بفضل الله وحده على توحيد الصف المصري خلف فكرة قائدة واحدة تنجو به من هلاك محقق وتنهض به إلى ما يستحق , وفى أسوأ الأحوال فهو قادر على ترشيد التفاعل بين القوى الوطنية أفرادا وجماعات من خلال مناقشة بعض المواقف المشكوك فى إخلاصها أو ولائها أو إدراكها للواقع الذى نحياه .
ولكونكم أحد أنشط بؤر التفاعل فى هذا الوطن فأنا أهتم كثيرا باطلاعكم على هذا البحث الذى نشر فى كتاب وتقوم بتوزيعه وكالة الأخبار ويمكنكم زيارة المدونة المسجل عليها البحث من خلال العنوان التالى :
http://www.thawrtalekhlas.blogspot.com /
وفقنا الله وإياكم لما فيه خير البلاد والعباد .
والسلام عليكم ورحمة الله وبركاته .
باسم محمد عبد الله
Comment by باسم محمد عبد الله — November 28, 2006 @ 2:54 am
هى البلد محتاجه تغيير و بجد مش عارفيين التغيير دى قريب ولا بعيد
هى الناس بدا صوتها يعلى الان و برضه بدات الماسئ تبان زى تعذيب اقسام الشرطه اللى كان بيحصل من زمان جداا برضه
ربنا يصلح الاحوال و نفسنا نشوف خطوة ايجابيه
لان احزابنا دى لا فائدة فيها
اتمنى ان يكون هناك حزب قوى قادر على لتفاعل فى الحياة السياسيه
انتخابات كانت محسومه فى الرئاسه
بجد مش عارف الخطوة المفروض تكون ايه ؟
Comment by ahmedosman — November 28, 2006 @ 8:37 am
لو كل انسان لعن في ارض بلده مثلك هيكون كل الاراضي ملعونه بالرغم اني اري ان في بلادنا سلبيات لا يمكن السكوت عنها من نظم الحكم وخلافه لكن الا تري يا اخي الكريم ان الارض اللي ساعدتك بتلعنها ده ارتويت بدم ابائنا الشهداء ولا ايه رايك لست معك في لعنك الارض فهمها اختلافنا مع نظم ايا كانت فلا يجب ان نلعن دم شهدائنا اللي ماتوا في سبيل الدفاع عن ارضها ويا سيدي الفاضل اذا ضاقت بك الارض !!! بلاد الله واسعه عيش في اي بلد تعجبك ولن تأسف عليك مصر ابدا اخوك في الله محمد المغازي
Comment by Mohamed El Moghazi — November 29, 2006 @ 12:31 pm
عارف يا استاذ محمد المغازى… الاول كنت بقدر اخد بالى من الفرق اللى بتتكلم عليه بين البلد ونظامها السياسى لكن بص بقى معايا اللى حاصل دلوقتى :: النظام الفاسد قدر يحقق المعجزة ويفسد الشعب نفسه ..الناس نفسها شوفت وصلت لانهى مرحلة من الانحطاط والسفالة والجشع؟ الناس نفسها بقت محتاجة اللى يقاومها او يهذبها :: عارف انا نسيت اكتب ان اكتر حاجة خلتنى مش قادر اعيش فى البلد دى انها قدرت تخلينى اكرهها مش هقدر اسامحها على دى بذات
عارف الوضع فكرنى بفلم ماتركس ..عارفه طبعا كان فيه العملاء اللى هم الاشرار وكان فيه الناس العادية اللى نتيجة سلبيتهم وسهولة انهم يتحولوا الى عملاء يمكن اعتبارهم اعداء او مساهمين فى الخطر اللى بنتعرضله
ومش لاقى هنا ابلغ من كلام محمد منير (كالعادة) لما بيقول
طول العمر العسكر عسكر .. بس الناس الناس كات ناس
Comment by واحد من الناس — November 30, 2006 @ 11:28 am
لا اعرف لماذا تكره مصر فمصر ليست فردا بعينه وان كانت لم تعطيك شيئا فانت الاخر لما تعطيها شيئا وبالبلدي زي ما بنقول نبقا خالصين وخالتي وخالتك واتفرقوا الخالات بس منصحكش بجد لان دي بلدك ومش انت الي اختارتها وربنا مش خلاك منها لمجرد انه عايز يختبرك اكيد في حكمة الاهية يمكن انت مظلوم ويمكن الجيل كله مظلوم بس ده مش مبرر للكراهية وثم اننا لسان برائين من ما نتهم به الوطن واقصد وطن لان الكلمة مرفوضة بالنسبة لنا
Comment by كبير المتشردين — December 3, 2006 @ 11:03 pm
يعني هو عندك حق في حاجات كتير
بس مش لدرجة اننا نسيبها ونهرب
احنا قاعدين علي قلبهم لغاية ما ربنا يفرجها علينا
مدونة لذيذة علي فكرة
Comment by Noheal — December 7, 2006 @ 4:29 pm
(قالو في حكومه مصر) انا لله وانا اليه راجعون
Comment by ابو عبد الملك — December 17, 2006 @ 8:18 pm
الي كاتب المقال مصصر ليست سيئه ولكن نحن السيئون العيب ليس عليها ولكن علينا نحن
Comment by ابو عبد الملك — December 17, 2006 @ 8:20 pm
هو دة بالظبط اللى انا بقوله..ان طول عمر العسكر عسكر بس الناس كانت ناس ..يعنى طول عمر الحكومات والانظمة فاسدة ومستبدة.. يعنى عادى مش عجبه… المشكلة هنا والكارثة اللى فى البلد دى ان الناس نفسها اطبعت بطبع الحكومة وبقت افسد منها . هى دى المشكلة دلوقتى …اصلاح المنظومة الاجتماعية والبشرية لمصر ..انهيار منظومة القيم والبناء الاجتماعى والانسانى فى مصر هو كارثتنا الحقيقة..
Comment by واحد من الناس — December 17, 2006 @ 8:35 pm
tab3an 3andak 7a2, das fi west da kolloh lazem matensash nafsak, lazem teb2a 7aga, esta7′dem 3elmak, esta3′el mawhebtak we 7amasak dah.
we ba3den enta nasy en fi RABBENA elly akbar men kol she2. elmanzoma elly enta betetkallem 3aleha di 3omraha ma hatetsallah, la2en nesbet elfasad welmofsedeen di zadet awi ledaraget ena law malhe2tesh nafsak we ba2et fased, hateb2a 3abeet we hata7′od fo2 dema3′ak le7ad ma teshba3 (da tafkeer elnas) we matensash ennak واحد من الناس
Comment by ana — January 12, 2007 @ 2:59 pm
ana ma2sodsh 7aga wallahe, bas ana 3ayez a2ollak ennak law 3ayez tenga7 we teb2a 7aga fe3lan , hate2dar..we akeed 2oddamak namazeg keteer kawmet we neg7et we ba3et 7aga 7atta walaw 2oddam nafso. ana 3ayez a3ollak en Mahamad Wagih ma ba2ash fi el3′orba ella 3ashan howa elly 3ayez yt3′arrab, we Osama ba2a keda 3ashan howa “mazago” keda, tab leh enta maba2etsh keda?? ana maba2olsh en elbalad helwa we kollo tamam we kol 7etta fiha el7elw welwe7esh elkalam da kolloh, laken ba2ollak enta lazem teb2a 7aga, we lamma teb3a 7aga ha2ollak lazem teb3a 7aga kebeera.mesh la2y 7aga tan a2olha delwa2ty.
Comment by ana — January 12, 2007 @ 3:32 pm
هى كده الدنيا مش مريحه حد ابقو قابلونى لو نفعنا
المشكله مش فى البلد المشكله فينا احنا شاركونا على تلك المدونه
htt://uuu.modawanati.com
Comment by عمر الشرقاوى — February 4, 2007 @ 11:03 pm
babbel net son scheiß
Comment by nicole — August 12, 2007 @ 12:42 pm
i want a girl friend
Comment by abubaker — September 10, 2007 @ 5:55 pm